Haku ʻia na Walter Kuikahi, he hoa pāna me Sam Liʻa Kalāinaina o ka Waianuhea Glee Club, he mele kēia e hāpai ai ka inoa o Waipiʻo. No Eddie Kamae, he hoʻomanaʻo kēia mele o ka hoʻoilina a me ke kuleana i kaʻa maiā Sam iā ia. Hoʻoulu mai ia mele i kā Eddie hana me kāna pāna ʻo The Sons of Hawaiʻi i ka hoʻolana ʻana o nā welo mele Hawaiʻi.
Aia i loko o ka pūʻolo
- huaʻōlelo mele
- moʻolelo o ke mele
- nīnau hoʻonaʻauao
- laulahi mele
- papa kuhikuhi
- kumuwaiwai mai ka waihona Kamae
E Hoʻolohe me ka Laulahi Mele
E nānā i nā ʻohina wikiō ma YouTube a me ʻUluʻulu
ʻO nā wikiō YouTube he mau ʻohina kiʻiʻoniʻoni a wikiō hoʻokani mele piha kekahi.
Loulou ʻia nā wikiō ʻUluʻulu i nā ʻohina nāmua mai nā līpine paʻi maka mai.
No ke mele ʻo “Hui Waianuhea” a Sam Liʻa Kalāinaina i kaʻana ai me Eddie Kamae mai ke kiʻiʻoniʻoni ʻo Liʻa: The Legacy of a Hawaiian Man.
Hana ʻo Eddie Kamae a me The Sons of Hawaiʻi (Dennis Kamakahi, Claybourne “Braddah Smitty” Smith, Joe Marshall a me Junior Daugherty ma ka waiolina) iā “Hui Waianuhea” ma Camp Olomana ma Oʻahu i ka makahiki 1987.
ʻApo ʻia ka leo o Sam Liʻa Kalāinaina e hīmeni ana iā “Hui Waianuhea” i hoʻohana ʻia no ke kiʻiʻoniʻoni ʻo Liʻa: The Legacy of a Hawaiian Man. ʻOki leo ʻia ia ʻohina ma ka wikiō me ke kiʻi kahua o ka lei kaimana.
Māhele panina o ke kiʻiʻoniʻoni ʻo Liʻa: The Legacy of a Hawaiian Man e hoʻohanohano ana iā Sam Liʻa Kalāinaina.
Līpine kākoʻo ma luna o ke awāwa ʻo Waipiʻo e hōʻike ana i ka muliwai ʻo Wailoa a me nā māla kō e ulu ana ma luna o Waipiʻo i ka makahiki 1987.
Līpine kākoʻo ma luna o ke awāwa o Waipiʻo mai ke kai a i uka e hōʻike ana i nā mahi kalo a me nā hale e noho pākikokiko ana ma ka ʻāina i pili i ka muliwai o Wailoa e kahe ana ma laila i ka makahiki 1992.
ʻOhina nāmua pōkole o Eddie Kamae a me The Sons of Hawaiʻi (Paul Kim, Mike Kaawa, a me Analu Aina) e hana ana iā “Hui Waianuhea” ma ka hale ʻāina ʻo Honey’s ma Kāneʻohe ma Oʻahu i ka makahiki 2010.
Koekoe ʻo Eddie Kamae i kona ʻukulele me ka laupaʻapaʻani a mākaukau iā “Hui Waianuhea.”
No ka nānā ʻana i nā waihona līpine paʻi maka i hoʻokikohoʻe ʻia me ʻUluʻulu, e kipā iā:
Hawaiian Legacy Foundation: Eddie & Myrna Kamae.