Haku ʻia na ko Sam Liʻa makuakāne ʻo Samuel Kalāinaina, kuhikuhi kēia mele kaulana i kekahi pilina aloha malū ma ka wailele ʻo Hiʻilawe. Wehewehe ka moʻolelo mele i ke kaona ma “Hiʻilawe” a hōʻike i kekahi mea hoʻopūʻiwa mai ke kuanaʻike kikoʻī. Ma o ka manaʻo a Sam āna i kaʻana aku me Eddie Kamae a me nā manaʻo like ʻole i pili iā “Hiʻilawe” hōʻike kēia moʻolelo mele ua hiki ke nui nā manaʻo a moʻolelo no kekahi mele a nui pū nā lāliʻi i ʻike ʻia na ka haku mele.
Aia i loko o ka pūʻolo
- huaʻōlelo mele
- moʻolelo o ke mele
- nīnau hoʻonaʻauao
- laulahi mele
- papa kuhikuhi
- kumuwaiwai mai ka waihona Kamae
E Hoʻolohe me ka Laulahi Mele
E nānā i nā ʻohina wikiō ma YouTube a me ʻUluʻulu
ʻO nā wikiō YouTube he mau ʻohina kiʻiʻoniʻoni a wikiō hoʻokani mele piha kekahi.
Loulou ʻia nā wikiō ʻUluʻulu i nā ʻohina nāmua mai nā līpine paʻi maka mai.
Lohe ʻia ke mele ʻo “Hiʻilawe” ke hoʻolauna ʻia ke awāwa kaulana ʻo Waipiʻo ma ke kiʻiʻoniʻoni ʻo Liʻa: The Legacy of a Hawaiian Man.
Na Eddie Kamae a me The Sons of Hawaiʻi (Claybourne “Braddah Smitty” Smith, George Kuo, Joe Marshall, a me Dennis Kamakahi) e hana ana iā “Hiʻilawe” ma Camp Olomana, ma Oʻahu i ka makahiki 1987.
Na Eddie Kamae a me The Sons of Hawaiʻi (Claybourne “Braddah Smitty” Smith, George Kuo, Joe Marshall, a me Dennis Kamakahi) e hana ana iā “Hiʻilawe” ma Island Music, Island Hearts. Paʻi ʻia me ke anaina ma ke keʻena kīwī ʻo KGMB i 1988.
Hoʻomanaʻo ʻo Eddie Kamae i ko Lydia “Mama” Hale lālau ʻana i kāna ʻukulele ma ke kahua hoʻokani a hīmeni iā “Hiʻilawe” ma ke kiʻiʻoniʻoni ʻo Those Who Came Before: The Musical Journey of Eddie Kamae.
He ʻohina nāmua pōkole o Eddie Kamae a me The Sons of Hawaiʻi (Joe Marshall, Claybourne “Braddah Smitty” Smith, Dennis Kamakahi, George Kuo, a me Ocean Kaowili) e hana ana iā “Hiʻilawe” me ke anaina e hoʻolohe ana ma Sea Life Park ma Oʻahu i ka makahiki 1991.
He ʻohina nāmua pōkole o Eddie Kamae a me The Sons of Hawaiʻi (Pekelo Cosma, Claybourne “Braddah Smitty” Smith, a me Anthony Selvage) e hana ana iā “Hiʻilawe” ma ka Atherton Studio a ka Hawaiʻi Public i ka makahiki 1998.
Līpine kākoʻo e hōʻike ana i ka wailele kilakila ʻo Hiʻilawe me ka ʻike kākaʻikahi o ka wailele ʻo Hakalaoa.
No ka nānā ʻana i nā waihona līpine paʻi maka i hoʻokikohoʻe ʻia me ʻUluʻulu, e kipā iā:
Hawaiian Legacy Foundation: Eddie & Myrna Kamae.