E hoʻopili mai

Eia mai ʻo Eddie Kamae me ka Sons of Hawaiʻi (ʻo George Kuo, ʻo Dennis Kamakahi, ʻo Junior Daugherty, a me Claybourne “Braddah Smitty” Smith) ma Ke Kula o Hoʻokena ma Hawaiʻi mokupuni e hoʻokani ana ma ka ʻaha kula mua no ka wikiō ʻo Liʻa: The Legacy of a Hawaiian Man, ma ka makahiki 1990. Na Bob Fewell ke kiʻi.

Hana au no nā keiki. ʻO lākou ka mua o Hawaiʻi. Makemake au e ʻike lākou i nā ʻikena nā kani a me nā leo o ka moʻomeheu Hawaiʻi ʻoiaʻiʻo.
—Eddie Kamae

EʻO ke kia nui o Eddie a me Myrna, ʻo ia hoʻi nā keiki. Aʻoaʻo kā Eddie mau kumu ʻekolu— ʻo Mary Kawena Pukui, ʻo Pilahi Paki, a ʻo Sam Liʻa Kalāinaina—no ka mau o ke aʻo aku i nā keiki no ka moʻomeheu Hawaiʻi ma o ke mele me nā moʻolelo o nā kūpuna. No ʻekolu kekeke, kōkua ʻia kā lāua hui hoʻomanawaleʻa ʻo The Hawaiʻi Legacy Foundation he 500,000 mau keiki ma nā kula aupuni a kula uku Hawaiʻi me ʻumi wikiō piliolana i hoʻohanohano ʻia, nā puke hoʻopaʻa haʻawina, a me nā hōʻike kula.

Ma ka mahina ʻo Mei i ka makahiki 2022, hoʻopuka kā lāua hui iā The Eddie Kamae Songbook: A Musical Journey. Hoʻokumu ʻia no ke kākoʻo i kā Eddie lāua me Myrna ala nuʻukia ʻo ka loaʻa o nā kumuwaiwai hoʻonaʻauao e pili pū ana i ka moʻomeheu no nā kumu, nā haumāna, a me nā ʻohana. He 34 mau mele ko ka puke i koʻikoʻi no Eddie i hoʻomaopopo hou aku ai iā ia no ka mōʻaukala, nā moʻolelo, a me ka moʻomeheu o ke mele Hawaiʻi. Manuahi hoʻi nei puke mele a aia nō hoʻi ma ka pūnaewele. Aia nā hana kuamua mai ka Waihona Kamae ma kēlā me kēia mele.

ʻO ka hoʻopili iā The Eddie Kamae Songbook kā mākou pahuhopu me nā kumu aʻo o nā papa K-12 me nā kulanui kekahi. Inā he kumu a he hoihoi kou i ka hoʻohana i ua puke mele nei, e leka uila mai iā Myrna Kamae ma myrnakamae@gmail.com. Hiki nō iā mākou ke kākoʻo aku iā ʻoe.

Eia pū mai nā haʻawina i hana ʻia aku na mākou no kekahi o nā wikiō.