Nā Pāleo a Eddie me Myrna Kamae
Inā makemake e kūʻai aku i kekahi o kēia mau pāleo, kaomi ma ʻaneʻi no ke kipa mai i ka hale kūʻai pūnaewele. I kēia manawa, manuahi nā pāleo.
Best of Sons of Hawaii
He mau paionia nā lālā o kēia pana kaulana ma kā Hawaiʻi hoʻōla ʻana i ka moʻomeheu. Hoʻomau akula lākou i ka hoʻohanohano ʻana i nei ʻano mele no ʻelima kekeke. A no ka manawa mua loa, hoʻopuka ʻia akula kā lākou kani kikoʻī ma ka pā sēdē. Aia pū ma ʻaneʻi nā mele kumu a ka hoʻokani kīkā ʻo Rev. Dennis D. Kamakahi, ʻo ia hoʻi kekahi o nā haku mele ʻeleu loa o ka wā, a me ke mele keu a ka nani ʻo Morning Dew, na Eddie Kamae me Larry Kimura. Me nā mele hoʻomanaʻo, nā mele hoʻolalelale, ka hoʻokani maiau, a me nā leo nahenahe—eia ke mele Hawaiʻi ʻoi loa aku.
Christmas Time with Eddie Kamae and The Sons of Hawaii
E like hoʻi me ka pāleo mua o Sons of Hawaiʻi, aia pū ma kēia pā sēdē nā kālena o ka Sons of Hawaiʻi a me nā kipa hoʻokani kūikawā. E lohe ʻia nō ka hoʻokani ʻukulele nui ʻo Eddie Kamae, ʻo ia hoʻi ke alakaʻi o ka Sons a ʻike ʻia nō no kāna mau mele, noiʻi no nā mele kahiko, a me kāna hīmeni ʻana i nā mele kahiko a me nā mele kū i ke au. Hoʻohui pū mai ʻo Eddie lāua me kāna wahine ʻo Myrna i kā lāua kālena ma ke ʻano he haku mele me ke kākau mele no ke hoʻohua mai iā Christmas Long Ago; I Love Christmas; Remember Me Santa; and It’s Christmas Time, I Know. Aia pū ʻo Christmas Memories a me Dear St. Nick na ka Rev. Dennis Kamakahi ma kēia pā sēdē kalikimaka. Aia pū ʻo Joe Marshall, he hoʻokani lua ʻole a ʻo ka waha ʻōlelo o Ka Sons, ka hoʻokani pila nui ʻo David “Feet” Rogers, kaulana i ka hoʻokani kīkā kila helu ʻekahi ma Hawaiʻi, a me ka leo Hawaiʻi nahenahe o Diana Aki.
Eddie Kamae Sons of Hawaii
Hoʻohui ʻia maila he ʻumikūmālua mau mele i kākoʻo no ka paʻina puke ʻo HAWAIIAN SON: The Life and Music of Eddie Kamae. Koho ʻia mai kahi pāleo panina i paʻi ʻia nā Ka Sons of Hawaiʻi, kū nā mele i ka hoʻomōhala ʻana i kā Eddie ʻoihana he hīmeni, he haku mele, he alakaʻi pana, a he hoʻokani ʻukulele no kanalima makahiki. No kekahi mau mele, na ka Mōʻī Wahine ʻo Liliʻuokalani i haku, a ʻo ia ka mea i hoʻoulu i ko Eddie manaʻo. Kākau ʻia maila ʻo Ke Ala a Ka Jeep me kāna kumu aʻoaʻo, ʻo Mary Kawena Pukui, ma hope o kahi huakaʻi i Hawaiʻi Mokupuni ma Ka Lae ma ka makahiki 1969. Kākau ʻia ke mele ʻo Waipiʻo Walley Song me kona makua kāne piliʻuhane ʻo Sam Liʻa Kalāinaina i mea e hoʻohanohano aku ai i ka huakaʻi ʻana i ko Sam one hānau ma ka makahiki 1969, he huakaʻi ia e hōʻea aku ai ʻo Eddie i ka piko o ke mele Hawaiʻi.
Eddie Kamae & Friends
ʻAʻohe mea a maha ai ka naʻau e like me ka leo o kahi hoapili maikaʻi, a ʻaʻohe mea e kupu aʻela nā haliʻa aloha e like me ka kani a ke mele. Aloha, ʻo au ʻo Eddie Kamae, a noʻu nō ka hoʻohanohano ma ke kaʻana aku me ʻoukou ma kēia pā sēdē i kaʻu mau mele a kekahi o nā hoa—nā hoʻokani e mau nei me kākou, a me nā hoa i ola ai kā lākou mau mele ma o kēia ʻokina e like me kēia.
Yesterday & Today Volume 1
Ma o kāna ʻoihana lōʻihi a hōʻeuʻeu, hoʻopili ana ʻo Eddie i ka wā ma mua me kēia wā me ka hoʻomau pū i ka hoʻoholomua i ke mele Hawaiʻi kuʻuna. Ma ko Eddie alakaʻina, kākoʻo maila kekahi mau kānaka hoʻokani pila akamai i ke kahua o ke mele Hawaiʻi o kēia lā. He kani Hawaiʻi ia e pā ai ka naʻau i ola ai ke kani ponoʻī i ʻike ʻia ʻo Ka Sons of Hawaiʻi. ʻO Yesterday & Today kahi pāleo mele hou loa a Eddie ma iwakālua makahiki me nā mele hou i pili me nā mele o nehinei e hoʻopili pū ana i ke ʻano kahi hanauna mua me ko kēia.
Yesterday & Today Volume 2
Ma YESTERDAY & TODAY VOLUME 2, hoʻomau ʻo Eddie i ke kani me ka mauli o ke mele Hawaiʻi e pili pū ana me kahi mauli hou e pā ai ka naʻau i ka manaʻo aloha ma o nā makahiki. He ʻelima mele kahiko me ʻehiku mele hou e hoʻoholomua kūpono ai. Eia hoʻi, hoʻopili ʻo Eddie a me ka Sons of Hawaiʻi i nā mele o kēlā kaila kēia kaila a holomua kūpono ai ma o nā manawa—mai ke mele kuʻuna a i nā mele Hawaiʻi hōʻeuʻeu. Mai ka mauli kuʻuna i ʻoki ʻia mai ʻo Yesterday ma nā hoʻonohonoho me nā mele o Today, he huakaʻi mele e nanea ai.
