Ka Waihona ʻIke a Eddie me Myrna Kamae

Na nā kūpuna e aʻo mai iā kākou a pau. He koʻikoʻi nō i nā ʻōpio, ka mea e pono ai kahi kahua no ko lākou wahi ponoʻī, ko lākou moʻomeheu, a me ka manaʻo o ka hoʻomau ʻana aku.
—Eddie Kamae

Hoʻokuleana ʻo Eddie a me Myrna i lāua iho no ke kūkulu i waihona ʻike o nā moʻolelo a me nā mele e pili ana iā Hawaiʻi. ʻImi akula ʻo Eddie no kekahi mau kekeke i nā waihona ʻike me ka nīnauele pū i nā kūpuna Hawaiʻi. Wehewehe ʻia akula kāna noiʻi i ka ʻike kumu a hōʻike aku i ka wā kahiko me ke kuanaʻike i like me ke ʻano nohona o kona mau mākua me nā kūpuna. Eia pū hoʻi, ʻo ka mālama me ka hoʻokaʻa pū i nei mau moʻolelo me ka manaʻolana pū i ka hoʻomau hou aku o nā hanauna hou ma ke aʻoaʻo mai ka nuʻukia a Eddie lāua ʻo Myrna.

Ma o ka hana, kuhikuhi a hoʻopuka i ʻumi kiʻiʻoniʻoni piliolana mai ka makahiki 1988 na nā Kamae e hana ana ma o aku o ka 1,500 mau hola o ka līpine paʻi maka, 200 mau hola o ka līpine keu, a me 200 mau hola o nā mele a me nā oli i ʻoki ʻia. Hana pū lāua ma o aku o ka 3,000 mau kiʻi me 6,000 mau ʻaoʻao pepa.

Aia pū ma kēia mau mea waihona ʻike nā mele kumu i hoʻoili ʻia ihola iā Eddie a i ʻole i haku ʻia nāna, nā kakaha kākau lima, nā ninauele me nā noʻeau moʻomeheu Hawaiʻi a me nā kūpuna ma ka ʻōlelo Hawaiʻi me ka Pelekania, nā kiʻi hiʻohiʻona ʻāina, nā hoʻokani mele na ka Sons of Hawaiʻi me nā hoʻokani Hawaiʻi, nā kiʻi ulu wale me ke kū mai o nā kūpuna a me ka Sons of Hawaiʻi, me ka ʻenehana, ke kōkua aku, me nā pono hoʻonaʻauao mai kēlā me kēia kiʻiʻoniʻoni piliolana. He kahua kēia waihona ʻike Kamae no nā haumāna a me nā kumu i mea e hoʻomanaʻo ai i nā moʻolelo o ko Hawaiʻi wā kahiko ma o nā leo o nā kūpuna a me ke mele Hawaiʻi. Hoʻokomo pū ʻia kēia mau kumu waiwai i loko o kēia puke mele ma kēlā me kēia pūʻolo mele.

Hoʻopili mākou me ka  University of Hawaiʻi West Oʻahu ʻUluʻulu: The Henry Kuʻualoha Giugni Moving Image Archive of Hawaiʻi no ka hoʻokikohoʻe, moʻolako, a hoʻolilo aku i ka līpine paʻi maka ma ka pūnaewele no ka hoʻonaʻauao me ka noiʻi. Ma nei pilina, ua hoʻokikohoʻe mākou i nā līpine paʻi maka mai nā kiʻiʻoniʻoni he ʻumi a mākou. ʻO ka hoʻokikohoʻe, ka moʻolako a me ka hoʻolilo i nā līpine paʻi maka i koe a me nā līpine ʻaukio i hoʻohana ʻole ʻia ma kekahi kiʻiʻoniʻoni piliolana. Hana pū mākou me ka University of Hawaiʻi West Oʻahu James and Abigail Campbell Library no ka hoʻolilo i nā kiʻi a me nā palapala.