E ʻImi I Ka Waihona Kamae
Aia he ʻumi kiʻiʻoniʻoni kumu, ka līpine paʻi maka mai nā kiʻiʻoniʻoni, nā faila kiʻi a me nā pepa a pau a Eddie lāua ʻo Myrna i hana ai no ka hoʻopuka ʻana aku i nā kiʻiʻoniʻoni. Aia pū nā mele kumu i hāʻawi ʻia maila iā Eddie a me nā mea āna i noiʻi aku ai me ka haku pū me Myrna, nā hoaaloha, a me nā kumu. Hoʻokikohoʻe ʻia akula nā līpine paʻi maka a hiki ke loaʻa ma ka University of Hawaiʻi West Oʻahu ʻUluʻulu: The Henry Kuʻualoha Giugni Moving Image Archive of Hawaiʻi. Ke hana pū nei me ka hale waihona puke ʻo Abigail Campbell a me Ke Kulanui ʻo Hawaiʻi Oʻahu Komohana no ka hiki ke loaʻa nā makelia paʻi me ke kiʻi. Aia ka nui o nā kumuwaiwai waihona ʻike ma Ka Puke Mele no Eddie Kamae.
He Māpuna Hoʻoilina
Kaʻa nā mea i aʻo ʻia ma kēia puke. Ma ke aʻo ʻana, e hoʻoili aku… a e hoʻoili hou, ola mau nō nā moʻolelo,nā mele, a me nā haliʻa. ʻO ka hoʻoili ʻana ke ola ai nā ʻike nui ma o nā hanauna. No laila i paipai maila kā Eddie kumu iā ia.
No Ke Komo Ma Ka Puke Mele
Aia he 34 mele ma kahi puke mele. He pūʻolo kēlā me kēia mele me ka palapala a me ke kumuwaiwai ʻaukio/wikiō mai ka Waihona Kamae. E ʻimi aku i ka ʻaoʻao Nā Mele no ke koho ana i mele. A laila mai, hiki ke hoʻoili ʻia ka pūʻolo i piha i nā kumuwaiwai palapala, e hoʻolohe i nā mele me nā huaʻōlelo me nā laulahi mele, a i ʻole e nānā i nā ʻapana wikiō no ke mele ma YouTube a i ʻole ma o ko mākou pakanā ʻo ʻUluʻulu: The Henry Kuʻualoha Giugni Moving Image Archive of Hawaiʻi. No ke aʻo hou aku no ua puke mele nei, e kaomi ma No Eddie a me No Ka Puke Mele.
He Oli Aloha No Eddie Kamae
Haku ʻia na Dr. Sam ʻOhukaniʻōhiʻa Gon III ma ke ʻano he hoʻohanohano iā Eddie Kamae, hemo kēia puke mele i kēia oli. Hāʻawi mua ʻia akula iā Eddie ma Iune o ka makahiki 2012 ma ka ʻAha Kiʻiʻoniʻoni ʻo “Truly Hawaiian: Musician Roots of the Hawaiian Cultural Renaissance,” kahi i hoʻohanohano ʻia ai ʻo ia no kāna hana ma ka mālama ʻana i ke mele Hawaiʻi me ka moʻomeheu. E kaomi no ka nānā me ka hoʻolohe.
ʻO The Hawaiian Legacy Foundation
He māhele kēia puke mele i nā hanana hoʻomau a kā Eddie lāua me Myrna Kamae The Hawaiian Legacy Foundation no ka palapala, ka mālama, a me ka hoʻomau ʻana i ka moʻomeheu hoʻoilina o Hawaiʻi ma o ke mele, ka wikiō, nā polokalamu hoʻonaʻauao, nā hanana kaiaulu, a me ka noiʻi waihona ʻike. No ke aʻo hou aku no mākou, e nānā i kēia mau kahua paʻa: Foundation, Book, Albums, Films, Archive, a me No Nā Kumu. E pili pū ana me ko ka Foundation hoʻokō ʻana i ke kākoʻo i ka hoʻonaʻauao mele ma nā kula K-12, he kumu ka puke mele no ke mele a me nā moʻolelo i koʻikoʻi no Eddie.
ʻO Ka Puʻu Kālā Kūmau No Eddie Lāua Me Myrna Kamae
E kōkua mai iā mākou ma ka hoʻoulu aʻe i ke kālā he $1,000,000 no kā mākou puʻu kālā kūmau hou me ke Kulanui ʻO Hawaiʻi Oʻahu Komohana! E kōkua ana kēia puʻu kālā ma ka mālama i ka Waihona Kamae me ka hoʻokumu pū i nā manawa kūpono no nā haumāna, nā limahana, a me ke kaiaulu e hoʻopili aku no ka hoʻonaʻauao a me ka noiʻi ma o nā huʻeaʻo, fellowships, a me nā kālā noi kumu kulanui. No Eddie a me Myrna, penei a ola mau ai nā hanana. ʻŌlelo maila ʻo Eddie, “Makemake māua e waiho i ka hoʻoilina makamae nui loa…” Mahalo nui ʻia nā ʻano haʻawina mai, ʻo ka nui me ka liʻiliʻi, no ke kūkulu i kahua hoʻomau.